Ang Kape Ni LaTtEX

Upang magising ang inaantok na kamalayan

Ang Kape Ni LaTtEX header image 2

Alin, alin, alin ang naiba? Ang pagkakaiba ng Tagalog at Filipino

June 1st, 2005 · 45 Comments

Kamakailan lamang ay nakatanggap ako ng maraming email na may Excel na attachment, kung saan ginawang online quiz ang pagsasalin ng mga salitang Inggles sa “Filipino.” Natatawa ako sa aking sarili sapagkat bagama’t masasabi kong marami akong alam na salitang Filipino, marami pa rin akong hindi maisalin na salita.

Ilan lamang dito ay ang mga sumusunod:

  • benefit
  • calf
  • fake
  • idiom
  • instruction
  • petal

at marami pang iba… Maisasalin niyo ba itong mga salitang ito para sa akin?

Pero hindi iyon ang gusto kong pagusapan dito. Nakasaad sa instruction ng naturang excel file na “ibigay ang kahulugan ng mga kataga sa Wikang Filipino.” Mali iyon — ang dapat niyang sinabi ay “ibigay ang kahulugan ng mga kataga sa Wikang Tagalog.”

Eh pareho lang naman iyon diba? Hindi — magkaiba ang wikang Filipino sa wikang Tagalog.

Ang wikang Filipino na siyang opisyal na wika ng ating bansa ay isang buhay na wikang nasasalinan ng iba’t-ibang salita mula sa iba’t-ibang wika na naaayon sa pangangailangan at dikta ng panahon. Kung ang salitang fake ay mas kilala sa pagsasaling “peke,” iyon ang Filipino. Ang pagsasalin nito sa Tagalog na “huwad” ay nananatiling gayon — Tagalog. Totoo din ito para sa mga salitang benepisyo para sa benefit, kwarto imbis na silid, opisina imbis na tanggapan, atbp.

Ang wikang Tagalog ay isang diyalekto sa mga rehiyong Central Luzon, NCR, at Southern Tagalog. Wala itong kinaiba sa mga diyalektong Ilonggo, Cebuano, Waray, Kapampangan, Panggalatok, atbp. Subalit ang Filipino ay maaaring mag-assimilate ng mga salita galing sa mga diyalektong ito. Malaya ding ina-assimilate ng Filipino ang mga terminolohiyang Inggles.

Ilan lamang ito sa marami pang pagkakaiba ng Filipino at Tagalog. Napakahalaga ng pagkakaibang ito, sapagkat napakahalaga ang isang panlahatang wikang kinikilala ng lahat ng mga Filipino.

Tags: Uncategorized

45 responses so far ↓

  • 1 eClair // Jun 2, 2005 at 7:52 pm

    petal – talulot?
    Yun nga ba yun?

    Hindi ko na maalala…

  • 2 Mec // Jun 3, 2005 at 8:05 am

    poor din ako sa ganyang quizzes… i understand the malalim na Tagalog words when I hear them… but i seldom can remember them when I need to translate…

    bad no?

  • 3 mitch // Jun 3, 2005 at 10:05 pm

    uhm teacher, teacher, what about the difference of Filipino and Pilipino? hehehe! =D

    psst, kuya jon. Palitan mo na pala yung description sa link ko. “old propeller of the twilight” na. :) thankies! mwah!

  • 4 Jon Limjap // Jun 3, 2005 at 11:12 pm

    Pilipino is the old official language, with the alphabet a b k d e g h i l m n ng o p r s t u w y. It is actually state-sanctioned Tagalog.

    Filipino is the extended new official language, which has the alphabet a b c d e f g h i j k l m n ñ ng o p q r s t u v w x y z.

    Pwede na ako mag-Filipino teacher. :p

  • 5 Anonymous // Jun 8, 2005 at 1:05 pm

    Pre yung mga inenumerate mo ay mga lenggwahe, hindi dayalekto.

    Ako ay para sa Tagalog bilang Pambansang wika. Sino bang nagpatalsik sa mga Kastila? Di ba kaming mga Tagalog? Wala namang nagawa ang ibang mga grupo.

  • 6 Jon Limjap // Jun 8, 2005 at 1:12 pm

    Ang diyalekto ay mga lenggwahe (wika), walang pagkakaiba sa kanila maliban sa ang diyalekto ay ginagamit ng isa o ilang spesipikong katutubong grupo. Ang ilinilinaw ko lamang ay ang Filipino ay ang opisyal na wika — ang Tagalog ay isang diyalekto na iba sa Filipino. Ang mga malalalim na pagsasalin ng mga salitang pangkaraniwan mula sa Inggles o iba pang wika ay pagsasa-Tagalog. Ang pagsalin ng mga salitang ito sa mga salitang pangkaraniwang ginagamit ay pagsasa-Filipino.

    As for your other comments, I will refrain from getting deep into that, but I should say that that comment is unfair to the thousands who have died fighting the Spanish, and (especially) subsequently, the Americans.

  • 7 Bem // Jun 17, 2005 at 12:07 pm

    Tama si anonymous na ang Panggalatok, Bisaya, Tagalog, atbpa. ay iba’t iba’ng mga linggwahe.

    Sa loob ng 25 na taon, ang akala ko rin ay dayalekto ang Bisaya, Bikolano, atbpa. Nalaman ko na lang sa isa ko’ng klase na tungkol sa multiculturalism na hindi pala.

    Ang dayalekto kasi ay baryasyon nang isa’ng linggwahe. Katulad halimbawa sa Tagalog, ang Tagalog nang mga taga-Maynila ay iba sa Tagalog nang mga taga-Batangas. Bilang isang simpleng halimbawa, ang salitang, “mainit” sa Maynila ay “mahulab” naman sa Batangas. Marami na ri’ng mga salita ang naimbento sa Batangas na hindi alam nang mga taga-Maynila at gano’n din ang kabaliktaran pero pareho pa rin sila’ng Tagalog.

    Iba’ng linggwahe naman ang Bisaya sa Tagalog at hindi dayalekto ng Tagalog ang Bisaya. — May mga baryasyon (dayalekto) din ang Bisaya. — Ang Bisaya ng Cebuano ay iba sa Bisaya ng Ilonggo pero, katulad nang sinabi ko, pareho sila’ng Bisaya at magkakainitindihan ang dalawa, yun nga lang, may mga salita sila’ng kailangang linawin sa isa’t-isa.

    Ang hindi ko lang sinasangayunan na sinabi ni anonymous ay ang parte na sinabi niya’ng wala’ng ginawa ang ibang grupo. — Marami ang nakatira sa Tagalog Region na hindi naman talaga Tagalog. Noong panahon ng mga Kastila, marami’ng Bisaya at Bikolano at iba pang mga ‘grupo’ ang naging sundalo. — Ipinaglaban nang mga tao’ng ito ang lupang Tagalog hindi bilang mga Tagalog kundi bilang mga PILIPINO.

  • 8 Jon Limjap // Jun 17, 2005 at 12:23 pm

    Pareng Bem,

    Maraming salamat sa pagsisiwalat ng iyong kaalaman!

    Matapos ang aking huling pagsusuri ukol sa kahulugan ng “diyalekto,” saka ko lamang nalaman na may dalawang uri ng depinisyon na “naglalaban” ukol sa pakahulugan nito. Ang una ay ang iyong isinaad na depinisyon. Ang pangalawa ay ang isinaad kong depinisyon.

    Siguro isa pa yang magandang paksa na maaring talakayin sa isa pang blog entry sa hinaharap. :)

  • 9 benj // May 18, 2007 at 9:25 pm

    Ako ay para sa Tagalog bilang Pambansang wika. Sino bang nagpatalsik sa mga Kastila? Di ba kaming mga Tagalog? Wala namang nagawa ang ibang mga grupo.

    Nilayasan tayo kasi hindi kumukita bilang isang kolonya. Ibinenta pa nga tayo eh. hahaha.

    Oh well.

  • 10 kiara // Jun 17, 2007 at 7:57 pm

    dhil sa blog na to, ntapos co yung homework co. salamat sa sumulat and sa mga ngcomment. :)

  • 11 Jon Limjap // Jun 19, 2007 at 11:05 am

    Kiara,

    Ngyak! Hehehe… buti may napulot kang mabuti dito. Walang anuman.

    Taga-Dagupan ka? Taga Pangasinan ang asawa ko, sa Laoac, pero nag-aral siya ng elem at HS sa Dagupan.

  • 12 -=wasted emo=- // Jun 20, 2007 at 3:56 pm

    -=ask ko lang po about s wika. yung po mga:
    *depinisyon ng wika
    *komunikasyon
    *layunin
    *tungkulin ng wika at komunikasyon
    *antas ng wika
    *uri ng wika
    teorya ng wika
    komunikasyon ng berbal at inberbal
    kasaysayan ng wika

  • 13 Jon Limjap // Jun 21, 2007 at 1:00 pm

    -=wasted emo=-

    Ay, sorry po, hindi po ito ang wikipedia ng Filipino. Armchair linguist lang ako, dahil sa aking karanasan sa pagsusulat sa Filipino.

    Pero hindi kita masasagot :(

  • 14 aristotle // Oct 7, 2007 at 4:55 pm

    ano ba ang tagalog ng copy reading tungkol sa journalism?

  • 15 CHIEN // Nov 8, 2007 at 12:59 am

    ano ba ung kahalagahan ng wika sa pagkatuto?

    slamat

  • 16 _babydhoze_ // Nov 13, 2007 at 8:47 am

    puwede po bang malaman kung anu-ano ang mga tungkulin ng wika? may nabasa po ako na mga tungkulin ng wika ngunit ito ay nakasalin sa wikang inggles at mahirap isalin muli sa wikang filipino, maaari niyo po ba akong matulungan? (^_^)

  • 17 glem // Nov 30, 2007 at 11:42 am

    Ano po ba ang definisyon ng Wika,dayalek,sosyalek,creole,pidgin at jargon……..pwede po bang sa tagalog kasi ass. namin sa Filipino…..plz……ngayon na po……tnx

  • 18 anikka // Feb 21, 2008 at 7:05 am

    uhm, am doin a thesis about the importance of Filipino language in domestic tourism in the Philippines…

    pwede ba akong makakuha ng impormasyon? o kahit personal na pananaw tungkol dito. salamat :)

  • 19 Geri Flores // Mar 23, 2008 at 3:31 pm

    Ako ay litong-lito na lalo na kapag umoorder ako ng pagkain sa fastfood. Heto ang palagi kong naririnig sa mga empleyado:

    “Sir, ano po ang order nila?”
    “Sir, heto ang sukli nila.”
    “Sir, i-serve na lang po ang order nila. Maupo muna po sila.”

    Ito ba ang makabagong wika natin?

  • 20 alma // May 24, 2008 at 2:22 am

    mga salita ng bikol at bisaya na magkatulad ngunit magkaiba ang kahulugan.
    paano po nangyari un?

  • 21 anonymous // May 25, 2008 at 10:51 am

    wag naman po nating ipakita ang labis na pagwawalang bahala sa ating Wikang Pambansa. Tinitiyak ko sa aking sarili na hindi lahat ng inyong naririnig sa inyong mga lektura sa Ingles ay tumatatak sa inyong kamalayan. Palayain ninyo ang inyong kaispan ang tunay na karunungan ay hindi nababatay sa kaalamang “malawak ang aking kakayahan sa pagsasalita ng Ingles.”

    itatak natin sa isip ang winika ng isang edukador na Pilipino; “Ang tagal na nating nag-iingles umasenso ba tayo?”

  • 22 Miggyü // May 27, 2008 at 10:55 pm

    benefit – benepisyo
    fake – peke
    idiom – idyoma
    petal – talulot

    ** tama ba??

  • 23 hmmm salamat at napadpad aq d2.. ehehhe // Jun 13, 2008 at 4:53 pm

    hmmmmm… ill be back

  • 24 kim // Jun 13, 2008 at 6:20 pm

    maraming salamat sa inyo kuya,first year college acuh and one of my subjects is Filipino,kakaiba ang first assignment namin..ang mga tanong:
    *Ano ang ipinagkaiba ng Filipino sa Tagalog?
    *Paano mo malalaman kung ang ginagamit mo ay Filipino at hindi Tagalog at vise-versa?

    ..buti nalang at may ganitong blog..
    ..salamat po ulit..

  • 25 At ang pinakasikat na akda sa blog na ito ay… // Jun 15, 2008 at 6:58 am

    [...] Alin, alin, alin ang naiba? Ang pagkakaiba ng Tagalog at Filipino [...]

  • 26 czar // Jun 15, 2008 at 4:56 pm

    ano po ba ang pagkakatulad ng tagalog at filipino….????pls lng po kasi ass. namin ehh…pwde po bah ngayon nah…

  • 27 Jon Limjap // Jun 15, 2008 at 5:11 pm

    czar,

    Kaunting respeto naman dude. Pag nagtatanong ka, lalo sa internet, huwag mong madaliin ang tinatanungan mo, sapagkat hindi naman nila obligasyon na sagutin ka.

    Neway, ang pagkakapareho? Medyo mahirap sagutin sa ganung konsteksto, sasabihin ko na lang na:

    Ang Filipino ay hango sa wikang Tagalog, e.g., ang Tagalog ang “baseline” nito. Ang syntax nito, e.g., mga pamantayan sa paggamit ng mga salita, kung paano binubuo ang isang pangungusap, etc., ay hango lamang at katulad ng sa wikang Tagalog.

  • 28 tris // Jun 17, 2008 at 8:37 pm

    uhm nu po ang tungklin ng wika????

  • 29 pAmeLa // Jun 18, 2008 at 6:37 pm

    pwede po bang malaman kung ano ung pinagkaiba ng wika sa diyalekto? at pinagkaiba ng pilipino sa filipino? assignment lang po kasi eh… pasensya p0. hehehe..

  • 30 AngeLi // Jun 22, 2008 at 10:27 am

    bakit po may nagaganap na varayti ng wika?
    ano pu ung pagkakaiba ng wika at diyalekto??…

    pleaSe nd taNk u.. ?

  • 31 jhera // Jun 22, 2008 at 3:56 pm

    wow an dmi k0ng n22nan!!!!!!!
    tnx po ha!!!!

  • 32 wesley // Jun 24, 2008 at 9:24 pm

    ano ang pagkakaiba ng wika at diyalekto?

  • 33 DaNni // Jun 29, 2008 at 1:38 pm

    kamUsta p0…

    nais ko p0Ng itanong kung aNo ang pagkakaiba ng Tagalog, Pilipino at Filipino sa isa’t-isa?..

    sanA p0 ay masagot nYo. mAramiNg salamat.

  • 34 DaNni // Jun 29, 2008 at 1:40 pm

    Ang tagalog po ng instruction ay panuto.

  • 35 roselle // Jul 7, 2008 at 7:20 pm

    anu po ba ang pagkakaiba ng tagalog,pilipino at filipino,.,pls pakisagot??????????

  • 36 ferdie // Jul 21, 2008 at 3:21 pm

    di ba ang tagalog ay kasama sa wikang filipino
    kaya dyan nagtatalo ang mga pilipino sa tinatawag wikang pambansa na yan eh
    di ba kapag sinabing filipino, ito ay kalipunan ng
    iba’t ibang wika sa pilipinas

  • 37 Kat // Jul 22, 2008 at 9:03 pm

    watz d meaning of “berbal at di-berbal na komunikasyon”?
    i’m really not good n filipino subJ.
    pls. do help me

  • 38 Kat // Jul 22, 2008 at 9:06 pm

    and also the different kinds of berbal at di-berbal na komunikasyon.
    tnx! more power.. :-)

  • 39 amier // Aug 1, 2008 at 1:22 pm

    ano po a ang pagkakaiba ng tagalog sa filipino sa sining ng pakikipagkomunikasyon??? tnx

  • 40 Jon Limjap // Aug 1, 2008 at 10:21 pm

    Kung hindi ba naman kayo mga bulag eh, yun mismong mga tanong niyo eh sinagot ko na sa blog post.

    PLEASE LANG MAGBASA MUNA KAYO NG BLOG POST BAGO MAGCOMMENT!

  • 41 gillian // Oct 4, 2008 at 10:44 am

    …ano po ba yung definisyon ng filipino???
    ..pakianswer naman po,,proj. lang po namin,,tnx po!!

  • 42 Jon Limjap // Oct 6, 2008 at 10:54 am

    Haay, wala talagang pag-asa ang mga batang ire.

  • 43 edgar // Oct 9, 2008 at 3:46 am

    hanggang ngayon ba naman. mga bata matuto kayong hindi umasa sa internet para gawin ang mga homework niyo!!!!! pambihira

  • 44 Bianca Ivy // Nov 8, 2008 at 2:24 pm

    hmmmmmm asayment ko din un….

    ano pagkakaiba ng TAGALOG, FILIPINO at PILIPINO

    sana tama pagkakaintindi ko sa Blogpost nyo po…

    TAGALOG
    isang “DIYALEKTO” sa mga rehiyong Central Luzon, NCR, at Southern Tagalog.
    kung san ang mga bagay bagay na ay may kanya kany nang katawagan, na mismong binuo ng mga Tao na gumagamit ng Diyalektong ito, mga TAONG TAGALOG.

    FILIPINO
    “PAMBANSANG WIKA” na hinango mula sa Tagalog, kya ngalang ito ay nasasalinan na ng ibang mga wika tulad na ng wikang ESPANYOL, Ingles at iba pa dahil na din sa mga pangyayari at karanasan ng pananakop ng ibang bansa satin at dahil na din sa pag “adap” natin sa kanilang kaisipan… (ayun na ADAP :D )

    PILIPINO
    tumutukoy sa mga MAMAMAYAN ng Ating bansa…….. (pero ako ay sadyang naguguluhan dahil may nabasa akong nagsasabi na ang PILIPINO at FILIPINO ay iisa lamang sadyang wala lang daw taung titik F sa ating alpabeto… hehehe sabagay may punto sya…pag sa ingles daw Filipino pag tagalog Pilipino)

    hanggad ko lang sana maituro sa ating mga paaralan ang tunay na kahulugan ng mga salitang iyon dahil auko lamang matulad sila sa isang katulad kong koleheyala na hindi alam ang takbo ng kaisipan ng sarili nyang Bansa, nakakalungkot at nakakahiyang isipin….

    hangad ko din na sana tama ang aking pagkakaintindi :D

  • 45 rejean // Nov 19, 2008 at 6:50 pm

    salamat